Alda Rós og Birta Von urðu 1árs 8.nóv.
Ég er algjörlega orðlaus hvað ég elska þessar stelpur mikið. Ég trúi ekki að það sé komið ár síðan að þessar hetjur komu með flýti, of snemma í heiminn. Þetta ár er búið að vera nánast ólýsanlegt á allan veg. Algjör rússibani frá því að við fengum að vita að við ættum von á barni (sem við fengum svo snemma að vita að væri tvö).
Öll þessi reynsla var ekkert eins og ég hafði nokkuð tíman getað ímyndað mér. Það voru margir erfiðir kaflar en á móti komu kaflar sem eru ómetanlegir, og ég elska alla þessa kafla erfiða og góða.
Hér eru nokkrar myndir úr afmælinu, við héldum smá veislu með nánstu fjölskyldu. Ákváðum að fagna nafnagjöf í leiðinni. Sem við erum ekki ennþá búin að fagna vegna Covid. Um leið og það má þá verður stór veisla!!
Ég heklaði nafnapeysur fyrir þær sem ég er mjög ánægð með.
Svo bætti ég við nokkrum myndum frá því þær voru glænýjar.
Takk allir fyrir stuðning og skilning á þessum krefjandi tímum ❤
Takk fyrir að lesa.
Þar til næst ekki gleyma að elska ykkur og hvort annað.
Kærleikskveðja, Guðrún Pálína
Gullmoli; njótið hverrar stundar, þau stækka svo hratt!
